Ponte...nas Ondas!

Creo, sinceramente, que ésta é unha moi boa iniciativa:
Non se trata dun programa nocturno en galego pero creo que se trata dunha iniciativa moi positiva. Así por riba, digamos que é unha maneira de que nenos portugueses e galegos esquezan a fronteira material do Miño (e calqueira outra:¿Para que serven as fronteiras?) e de que entren en contacto co mundo da radio. Hai algunhas emisoras real mente implicadas como son Radio Municipal de Tui(107.4FM)Radio "ECCA" de Vigo (96.5 FM), Radio Allariz (107.2 FM), Radio "Ecos da Raia" de Monçao (92.8 FM),Radio Melgaço (88.5FM),Radio "Cultural" de Vilanova de Cerveira (93.6 FM)e Radio Montalegre (97.5 FM).
Ademáis teñen tido intervencións en programas de renome a través de prestixiosos xornalistas como:
- Julia Otero en La radio de Julia de Onda Cero Radio
- Iñaki Gabilondo en Hoy por Hoy, Cadena Ser
- Diamantino José en Tardes da Telefonía de RTP 1
- Gemma Nierga en La Ventana, Cadena Ser

Desde hai varios anos os programas están relacionados coa presentación á UNESCO da candidatura do Patrimonio Inmaterial galego-portugués. Por ese motivo, o alumnado elabora traballos nos que recupera, estudia e clasifica o noso Patrimonio Inmaterial.
A Universidade tamén participa:pasouse de emitir 12 horas diarias de programación a emitir 24, encargándose a universidade dos programas nocturnos.

Solidariedade na RNE

Fai uns días tivo lugar no campus de Pontevedra (pertencente á Universidade de Vigo) un curso chamado "Ética e solidariedade nos medios de Comunicación". Foi un curso moi interesante no que descubrimos que había outras maneiras de vida, que non deberiamos quedar impasibles pero, sobre todo, que os medios de comunicación son responsables de moitas maneiras desta situación. Moitas veces prima a súa cualidade de empresas; de estar "manexados" por certas entidades, que son as que aportan o capital; ou de deixarse levar na loita polos máiores índices de audiencia, olvidando calquera iniciativa que non suxira mínimamente a palabra "éxito".
Este sería un tema longo, no que deberiamos reflexionar radiodifusores e oíntes (á hora de reclamar unha certa programación).
RNE emite cada sábado Solidaridad,dende Radio 5, de 20:30 a 21:00, un espazo diferente (¡É o único con estas carcterísticas en España!!!!!), presentado e dirixido por Eduardo Sanz Mulas e Pura Gómez (a cal puidemos coñecer nas charlas antes mencionadas, e me pareceu unha das persoas máis procupadas e comprometidas que coñezo, cunha gran riqueza humana e intelectual).
Neste programa búscase, "en definitiva, dar a coñecer todas aquelas ONG, empresas e institucións, públicas ou privadas e todas as campañas que colaboren en facer unha sociedade máis xusta e igualitaria". Ten dúas partes, na primeira fálase do labor das ONGs que realizan labores en España e na segunda das que a realizan no extranxeiro. Pero o compoñente máis novedoso e interesante do programa é que se lle da voz a afectados e a implicados en millorar, todo o que poidan a situación dos máis desfavorecidos.

Gustaríame que os que leades isto fagades comentarios, penso que é fundamental a opinión de todos, porque non debemos permitir que algún día se diga que a nosa é unha sociedade durmida, que foxe das palabras compromiso e solidariedade.

Comezamos de novo

Queridos posibles futuros lectores (con tanta vacación non creo que quede nin un habitual):
Xa remataron os exames, os meses de sol e cambio de actividades así que creo que chegou a hora de cumplir coas promesas.
As radios seguen soando, así que non faltarán cousas de qué falar.
O comezo da nova temporada vén marcado polo incremento da opinión e a inclinación cara un ou outro partido nas grandes emisoras, en especial a Ser e a COPE, ós oíntes gústanos cada vez máis sentirnos identificados coa voz dos programas que escoitamos.
Das noticias que se comentan máis é a marcha de Iñaqui Gabilondo de "Hoy por Hoy" (Cadena Ser) para incorporarse á nova canle en aberto e privada de televisión: "Cuatro", máis concretamente, ós seus informativos. Seguiremos falando desta perda que sufriu a radio, que terá as suas consecuencias no EGM, pois este locutor é un símbolo para os oíntes da Ser, máis importante que as súas inclinacións políticas ou o estilo do seu programa.Seguiremos o labor de Carles Fancino á fronte deste programa, así como os índices de audiencia en relación a "Protagonistas"ás mañáns de Jiménez Losantosna Cope ou con Herrera dende Onda Cero.
Moitos periodistas da radio pásanse a televisión e viceversa, a radio e a televisión, cada vez máis competitivas convértense, nos horarios extratéxicos, en radio e televisión de estrelas. A radio temática segue a gañar terreo fronte á xeralista, seguirei pendente deste e doutros datos que siga a publicar o EGM.
Ademáis a radio dixital segue a asomar a súa nariz, traendo novas posibilidades para tódalas cadenas pero fomentando unha pluralidade moitas veces moi difícil polo dominio das grandes emisoras.
E teño intención de adentrarme un pouco no panorama da radio galega.

Debate en Hora 25

Como galega onte prendín a radio as 22:00, como galega decidín tentar coñecer un pouco (son políticos: persoas "maravillosas e milagreiras" en campaña electoral) as ideas dos tres principais candidatos a poñerse ó frente da Xunta.
Por iso teño que felicitar ó programa por esta decisión de adicarlle o seu tempo a que tódolos galegos (sobre todo os que non temos tempo para asistir a mitins e ler tódolos folletos dos partidos)de escoitar, cara a cara, e ver o que temos diante, saber que, a pesar de que os medios de comunicación de masas son do poder, inda temos a oportunidade de disfrutar de espazos de transparencia, sei que son moitos os oíntes que , coma min, lle están agradecidos.
Que gañe quen gañe, nunca se perdan os debates, que non teñamos que sentir temor pola súa ausencia como fai catro anos.
Felicidades, Hora 25
Que a radio siga sendo ese refuxio da democracia, para sempre.

A millor imaxe: na radio

Non, non é que ande de vacacións precisamente, é máis, xa se podía agochar algo o sol ata Xullo: ¡Que dura é a vida do estudiante!
De nenos, antes de pechar os ollos moitos tivemos o privilexio de que alguén nos contara un conto, ese conto que sería a ponte dos nosos soños, porque xa rematara o día, só quedaba taparse ben e soñar... Os problemas quedaban lonxanos (polo menos ata o día seguinte), a maior preocupación era quedar cedo a durmir para que teus pais non se enfadaran e...¡para levantarse con moita máis enerxía pola mañá!
E, ¿Qué tiñan eses contos de especial? Que os debuxos facíamolos nós, ó noso gusto e xeito: a princesa tería cara de parva e o lobo sería como o bo pastor alemán da veciña, porque era o noso conto.
Co paso dos anos os problemas fanse, quizais, máis serios. E cada noite, cada día son millóns as persoas que deciden prender ese aparello multiforme e soñar, quizais cambiar de preocupacións, quizais sentirse acompañados por outras persoas inquedas...
O certo é que a radio é un xerador de infinitas imaxes,o máis visual dos medios de masas. Podedes votarlle unha ollada ó artigo da miña compañeira Elena do 8 de xuño, é moi interesante,(iso que estamos en exames).

Búsqueda en blogs de radio nocturna

1- technorati 24

2-bloglines 1

3-clusty 15

4-feedster 7

Volve Joaquín Guzman

Xa fai algún tempo falei nalgún post de Joaquín Guzmán e da Gramola, o programa nocturno que me namorou da radio, o principal responsable do título deste blog.
Trala súa escura despedida da Gramola de M80 Radio foron moitos os gramoleiros e profesionais do medio os que se manifestaron na rede, en revistas, xornais e onde podían , contra o mal trato que recibíu Joaquín.
Falouse do trato que dan as empresas ás persoas, que moitas veces soamente son consideradas como números que han de facer cadrar as contas de fin de mes (véxase artigo de Fernando Martínez, director de Europa FM en La Razón, 06-05-05).
Pois ben, Joaquín demostrou que, ademáis dun bo profesional, é un amante da radio e a música,a Gramola de antes ( a das moedas, o café coa versión orixinal e na que cabía calquera tipo de música que quixesen os oíntes) volta, pero esta vez dende a rede: La Gramola FM

Un ano de "Protagonistas"

Luis del Olmo, director e presentador de Protagonistas, ( o programa máis antigo da radio española)entrevistado por La radio al Día amosouse satisfeito cos resultados dun proxecto (Punto Radio) que comezou hai un ano e que "veu a potenciar a independencia e a pluralidade" que a radio española viña "reclamando nos últimos anos".
Luis del Olmo é un dos xenios da radio no noso país, naceu en Ponferrada (onde fundou un museo da radio) e a súa afición polo medio, que o fixo merecedor de máis dun centenar de premios, comezou con catorce aniños.
Se pinchas na foto poderás coñecer algún dato máis da súa biografía e as súas etapas na radio.

Programas máis famosos de...

Se tes máis de 50 anos quizais che apeteza recordar o que mantiña á túa nai pegada ó aparello á mesma hora de sempre cando viñas da escola, porqué alguén tarareaba unha canción na que dicía que todos sodes formidables...
Se es máis novo será interesante coñecer qué era o que soaba nese aparello que ocupaba o sitio da televisión de oxe, o principal entretemento nunha época na que segundo moitas avoas "se sabía escoitar".
Veleiquí uns dos principais testigos do grande cambio de ideoloxía que sufriu a nosa sociedade, de que os tempos, inda que pouquiño a pouco, si que mudan.

Listado actualizado das frecuencias de Radio Galega Música

Santiago de Compostela:104.2
Ferrol:106.3
A Coruña:92.1
A Cova (centro de Lugo):96.6
Ourense:95.6
Lugo:106.2
Pontevedra:101.4
Xiabre:88.0

Carlos Herrera de volta nas mañáns de Onda Cero

Carlos Herrera é un gran periodista. Adicouse fundamentalmente á radio, comezou a súa carreira profesional en Radio Sevilla alá polo ano 1977, de feito, o seu itinerario vital trázase, fundamentalmente, entre Barcelona e Sevilla, sendo ésta última o seu lugar de residencia.

Pasou por Radio Miramar de Barcelona, de onde saltou a Radio Popular de Sevilla e de Madrid, alternativamente, nas que realizou programas como “España en Pijama” e “Caperucita y El Lobo”.

Tamén pasou pola cadena SER con “Coplas de Mi Ser” e voltou á COPE con “La Mañana”,paso previo á súa estancia en Canal Sur Radio de onde saltou a realizar o programa "Buenos días" en RNE.

Actualmente, tras un breve paso polos Estados Unidos de América, tras ter dirixido Onda Cero Radio "Herrera en la Onda”, tódalas tardes de catro a oito, continúa con el ás mañáns de seis a unha da tarde, de luns a vernes..

A súa carreira profesional tamén pasa pola televisión, ademáis de seguir escribindo semanalmente en ABC, Diez Minutos e El Semanal. Tamén é autor de varios libros (Abróchense los cinturones, La hora de los fósforos,...)

E tamén tivo numerosos recoñecementos na súa carreira xornalística ( tres premios ondas de radio, dúas antenas de ouro, dous micrófonos de prata, pluma de prata do Clube da Escritura, Premio Nacional de Periodismo Pedro Antonio de Alarcón...)."

¿Unha emisora "pirata" ou só diferente?

Radio piratona emite dende 1988 dende un lugar calquera de Vigo, declárase unha radio libre e independente pero cun gran compromiso coa sociedade.
Pretenden facer do medio un servizo social, tratando de denunciar actitudes como o racismo ou a discriminación da muller, sempre afastados das institucións políticas consideran de grande importancia que os medios de comunicación galegos intenten facer por difundir a nosa cultura en galego, así como ser a voz dos problemas da xente de Galicia.
Pertencen á asociación cultural Sindomio, e aceptan calquera colaboración, incluso propostas para programas.
Se es de Vigo e queres saber qué nos contan, sintoniza a túa radio no 106.0

Podcasting: a nova revolución da radio en internet

Coa chegada de internet a fogares de todo o mundo, as emisoras de radio comezaron a transmitir na rede mediante tecnoloxía de streaming (ou sexa, en directo) pero coa extensión dos reproductores con disco duro incorporado ( MP3 ) os usuarios buscan poder levar os contidos a calquera lugar. Igualmente, numerosos creadores non se conforman con publicar a súa listaxe de cancións en MP3 senon que queren chegar máis aló con auténticos programas producidos por eles mesmos.

Deste xeito naceu o podcasting, arquivos de contidos sonoros, xeralmente falados, que son colgados na rede polos seus autores cunha certa periodicidade. Dise deles que causarán unha revolución semellante á dos weblogs, que supoñen para a radio o que os blogs supoñen para a prensa. Por iso, son unha alternativa para todas aquelas persoas ás que lle guste a comunicación sen ningún tipo de censura.

Inda que se poida considerar o contrario, o podcasting non ten porqué ser unha ameaza para a radio tradicional, será un enriquecemento pois supón unha millora na calidade de sonido e son unha alternativa real para facer chegar programas especializados ós oíntes, que poderán escoitalos sen depender dos horarios. De feito, as cadeas españolas comezan a sumarse a esta innovación, a pioneira foi a Ser pero xa se están a sumar outras como a COPE ou a madrileña Radio Círculo. En San Francisco, onde o podcasting está moi extendido, unha gran cadea comercial xa emite tódolos seus contidos neste formato. Polo de agora aínda non se creou ningún en galego.

O directorio básico en España de podcasts é Podcast-es, nel atoparás programas sobre tecnoloxía, música, cine, cociña, dereito, poesía e moitos outros temas. Se ti tes tempo, ganas e cousas que contar sobre calquera tema, só precisas un micrófono e un programa para grabar e editar sons, como Audacity; unha vez creado o MP3 con todo o que queiras contar débelo colgar en internet e poñelo en circulación mediante un RSS, para o que podes empregar programas como Easypodcast ou Loudblog.

Querido e odiado Jiménez Losantos

A Conferencia Episcopal, organismo que controla á cadena COPE renova por dous anos máis o contrato de Jiménez Losantos,que dirixe e presenta La Mañana
O polémico locutor é obxeto de moitas críticas polas súas declaracións que, a miúdo, rozan na intolerancia. Pero o certo é que,en menos de dous anos, dobrou a audiencia do seu programa, véndose reforzada por certo un alonxamento da dereita política por parte de RNE co cambio de goberno. Inda que Jiménez Losantosdi que isto débese, simplemente, a que a COPE é o millor referente intelectual para a dereita na radio, así como a principal alternativa á Ser.
Pero, ¿quen é Jiménez Losantos? Naceu en Orihuela del Tremedal, Teruel, o 15 de Setembro do 1951. Ós dez años gañou unha beca rural, que conservou durante todos os estudios. Fixo o Bacharelato en Teruel, no Instituto de Enseñanza Media e no Colegio "San Pablo" tivo mestres como José Antonio Labordeta ou José Sanchis Sinisterra cos que fixo teatro e que influiron decisivamente na súa vocación literaria. Ós dezaseis publica os seus primeiros poemas e relatos.
Estudia os comúns de Filosofía e Letras en Zaragoza e a especialidade de Filoloxía Española na Universidade Central de Barcelona. Estudió Psicoanálisis con Oscar Masotta e foi un dos fundadores da Biblioteca Freudiana de Barcelona.

Actualmente dirixe e presenta o programa "La Mañana" na Cadena COPE, tras ser durante anos o director de "La Linterna". Dirixe a revista "La Ilustración Liberal". É editor do xornal de opinión en Internet "Libertad Digital", fundado no ano 2000. Tamén é columnista do diario "El Mundo" e da revista "Época".

Xornadas de folga dos traballadores da RTVG

Foron convocadas polo comité interempresas (UGT,CCOO,CIG e USO) despois de once meses de infructuosas negociacións coa dirección de CRTVG.
As primeira xornada foi o antesdonte, xoves 26 cun paro de 12:30 a 14:30 e outro de 18:30 a 20:30. Máis de 250 traballdores estiberon concentrados no exterior das instalacións de San Marcos (segundo o comité de folga o 90% da plantilla que non estaba obrigada a cumprir os servizos mínimos e segundo a CRTVG o 30%.
Considerando que unhas boas condicións laborais son a base para garantizar que non exista manipulación nos medios; e tendo inda recentes as escandalosas actuacións da canle de radio e televisión nos episodios da guerra de Irak e o Prestigee considérase que non houbo ningunha mellora.
Os traballadores reclamana fin da precariedade laboral (un gran número de traballadores foi contratado por medio de ETTs e outras terceiras empresas nas empresas que conforman o grupo da CRTVG) pídese a estabilización do emprego nas tres sociedades. Dende 1992 non se incrementou nin mellorou a plantilla de traballadores da CRTVG, ademáis reclámase un aumento de soldo do 5% ata o 2007
CRTVG declarou que non ten a capacidade presupuestaria e legal para responder a unhas demandas que considera excesivas, ademáis de exceder o marco sociolaboral galego.
Nun comunicado de prensa, asegurou que, como servizo público, garantiza as súas emisions cos seus medios dispoñibles durante os días de folga. Lamenta que o comité de empresa rompera "unilateralmente" as negociacións e decidise convocar o paro.
En canto ás posibles represalias por parte da CRTVG ós traballadores que non son fixos e que secunden esta folga, os representantes deste órgano precisaron que manterán unha reunión co xefe de inspección de traballo para determinar quen son os que teñen que traballar e cales non durante las xornadas de paro. De feito, á folga sumouse un numeroso grupo de traballadores contratados, recibido cun forte aplauso.
As xornadas de paro continuarán o vindeiro día 29 e en diferentes días do mes de xuño, incluído o día 19 (eleccións autonómicas),sete días diferentes durante la precampaña, la campaña e o día das eleccións(25 e 29 de maio, 2,3,9,17 e 19 de xuño). Ademáis entre as 22.00 horas do2 de xuño ata as 22.00 horas do 3, terá lugar unha folga de 24 horas.
O comité de empresas apuntou que o calendario de mobilizacións se pode modificar e ampliar no caso de que non se chegue a ningún acordo, polo que é posible que continúen despois da xornada electoral, independientemente de quen gañe.

Momentos memorables

A radio é o medio cercano e espontáneo por excelencia, durante a retransmisión dun programa, sobre todo si se trata dun de tertulia ou un no que interveñen os oíntes(esas persoas que non teñen guión).
Algunhas cadeas de radio brindan na súa páxina web a posibilidade de escoitar a súa programación, que normalmente se perdería nas ondas.
En especial a cadena Ser é moi interesante pois permite rememorar ou descubrir situacións interesantes e inolvidables que teñen ocurrido durante a retransmisión dun programa e que, na maioría dos casos, non foron previstas.
Por exemplo, no arquivo do mítico A vivir que son dos días escoitei a Saramago falando da soidade de recibir a noticia de gañar o premio nobel de literatura lonxe de seres queridos, cando ninguén te acompaña na viaxe.
A RTVG da a oportunidade de escoitar un programa que xa fora emitido e que che apeteza escoitar de novo, o mesmo fai Onda Cero,e a maioría das grandes cadeas que están colgadas na rede.

Alternativa de madrugada

Chámase "A cielo abierto" porque se di que se atopa nas antípodas do día. O que máis chama a atención é o formato, tan inusual a esas horas e a vitalidade e enerxía do locutor e, sobre todo, dos reporteiros, sempre a pe de rúa, tanto se chove como se neva. Os oíntes din que acerta coa información específica que lle soe interesar ós colectivos que traballan a esas horas.
E é que o programa que conduce Enrique Campo está indicado para todas esas persoas que viven "ó revés", sexa o que sexa o que anden a facer os luns de 4:00 a 6:00 ou de martes a venres, de 1:30 a 6:00; por iso sempre se emite en directo e se trata todo tipo de temas.

Un dos grandes

A radio, o xornalismo e a literatura teñen o privilexio de ser as súas grandes paixóns. Fernando Delgado di que non pode queixarse, pois sempre fixo o que quería facer na vida, de feito combina estas tres facetas colaborando en xornais, dirixindo A vivir que son dos días nas mañáns dos sábados e domingos da Cadena Ser e é escritor, non só polo mero feito de publicar novelas, senón que o considera unha maneira de estar na vida, presente na intimidade e, "por sorte", na súa profesión.
Naceu en 1947 na illa de Tenerife. Dende os 14 escribe nos xornais, ós 17 foi á radio facer un programa da escola e xa nunca saíu dela, agás breves momentos. Estudiou Filosofía e Letras e Xornalismo. Articulista na prensa nacional, foi o primeiro director de Radio 3 e por dúas veces director de Radio Nacional de España. Foi tamén responsable dos programas xerais de Radio Exterior de España e conselleiro de RTVE.
Dende os 18 anos escribiu numerosos libros e tamén pasou pola televisión, onde segundo palabras súas, considera que xa pasou o tempo suficiente.
Este locutor que para ser positivo ante a vida se repite que "cada día ten o seu afán" recibiu numerosos premios, dos que di que non olvida ademáis as súas consecuencias negativas.

Pedro Piqueras aposta por rexuvenecer a parrilla de RNE

O sábado, 14 de Maio, Pedro Piqueras anunciou en Rencontré 2005, cita bianual dos responsables das emisoras que integran a Unión Europea de Radiodifusión (UER) algunhas das medidas que se pensan tomar para a consecución deste propósito de modernizarse nun mundo dominado pola televisión e internet.
A partires da próxima temporada comezaremos a notar uns cambios na programación que, sen ter o fin exclusivamente lucrativo doutras emisoras, tamén quere ampliar a súa audiencia.
Non se trata de revolucionar a programación de RNE, senón que, sen deixar de apostar polas voces xa consolidadas (Julio César Iglesias, Olga Viza, Ana Solanes e Pepa Fernández, entre outros)incluirase a emisión dos formatos máis innovadores de Radio5 en Radio1, como son Tolerancia cero, sobre violencia doméstica; La tierra prometida, que se adentra no mundo da inmigración; Entiendas o no entiendas, aberto á actualidade do colectivo gay; Jóvenes.com, sobre temas da xuventude, e Emprendedores, para indagar en novas iniciativas empresariais.
Ademáis fálase de incluir de novo o radioteatro.
Estaremos atentos a ver se son quen de cumplir os seus propósitos de modernización.

Sistemas de medición de audiencias

Quizais a ti, como a min, che soe extraño o feito de que sepan dicir que tantos millóns escoitaron este programa mentres só uns centos de persoas escoitaron este outro.
O certo é que os métodos de medición de audiencias están sendo postos en duda. Por exemplo RTVE decidiu que non quería aparecer no EGM alegando que non se reflexaban os datos reais das audiencias.
As radios públicas europeas, reunidas o sábado na «Rencontre», foro das radios públicas europeas organizado por Radio Nacional de España, estiveron de acordo en que a radio necesita unha transformación técnica e social que se adapte ás transformacións de sociedade; así como un sistema de medición de audiencias máis sofisticado que recolla tamén as características cualitativas da audiencia.